ولك ها يا كلبي ...
ولك ها يا كلبي جنك اله اشتاكيت
مليت اني منه وانتة اما مليت ؟؟
ميحبك يا كلبي شبيك افهم عاد
نساك الي تحبه وانته ابد ما نسيت
ميفكر بعد ما يهمة حالك هاذ
ولا تنزل ابد دمعاتة مهما ابجيت
لا تهتم يا كلبي وانسه حبة ارجوك
قابل كلبه انته ومني تبريت؟!
اعرفك ذايب وخلصان ميت شوك
اي بس كابر بعد ...اعرف ولك حنيت
اريك مثلي متبين حزن عيناك
مو هذا اني يمك... والله هم عانيت
ما اذكر جبرتك ... كافي هذا النوح
انتة الجازفت بالحب تة وحبيت
اتحمل نتيجة تعبك المافاد
وحدك انت وحدك بالجرح ضليت
لا تترجة منه يحبك ويهواك
عافك وحدك وما قدرك من جيت
انسة الصار بيك وخلي اني ارتاح
يا كلبي اتعبت منك ترة وجنيت
اموتك حتة اخلص؟لو اموت اشلون؟
اي مو من البجي بدموعي وك خصيت
اغني وجني ما شايل هموم الكون
ليش تصير ضدي وبس حزن غنيت
سويتك صدك شاعر تحبة الناس
دتك تنسة بس شو كلشي ما سويت
ضليت بحنانك وبمحبتك ذيج
بعدك بالحلم عايش فلا فزيت
بعتني وانته كلبي وصرت مثله النوب
تفكر بالي نساك وعني تخليت
راق ل
الأربعاء أغسطس 15, 2012 9:40 pm