الـ مثلك ما يلوگ براسه العگال
الـ مثلك ما يلوگ براسه العگال
عگالك خَجَل ينزف من تلبسه
الديوان حضره و الك ميصير
و ظِلك من يطب يمكن ينگسه
إهدة و شوف حجمك و أعرف الناس
الـ مثلك كون يفهم معنى نفسه
ادور عالـ"رجولة" الـ بيك ماشوف
جنس ثالث اشوف بهيئة تعسه
و انت منيلك و تزامط ابيش ؟!
سالفتك بعدهة ليهسة خرسه
احذرك لا تصير براسي حچاي
آني الـ كلمة الـ أخطهة بقلمي شرسه
آني معلم الزلم حچي الدواويين
و معلم السفن تعشگ المرسه
آني عگال الشرف شالتني الروس
و صرت تاج العگل للعگل هسه
اني الـ ما نسيت بيوم عباس
تّـعَبت الشعر من رادني انسه
شلت هذا الوطن برموش العيون
و فضحت الـراد للـمحتل يعلسه
شربت كاس الوفه بچفوف عباس
و انت بچف اليهود شارب الخسة
تعال اوگف گبالي و شوفني شلون
جبل اني و حضرتك يمي طسه
بعدني بظهر ابوي و اني خيال
و الخيال بينه تعرفه فرسه
اني فرسي القصيده و قلمي السيف
و المثلك يجي لصفي و ادرسه
جاي تعيل بيمن جاي تعيل
شعري الـ بيك اكتبه اعتبره ونسه
خلص فاصل اذاعي بحلقة اليوم
و كلامي وياك ما خلصته لسه
و حق ربك انفخك بالهوة تراب
و ترابك ارجع بجملة اكنسه
الـ يمسني بكلمة و هو چذاب
اني بنار الاخمس اليوم امسه
الأربعاء أغسطس 15, 2012 9:53 pm