منتديات العراق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مُلتقى العراقيين والعرب
 
الرئيسيةالتسجيلدخول

 

 امثال قديمة اصبحت حقيقة

اذهب الى الأسفل 
كاتب الموضوعرسالة
علي العبودي



عدد المساهمات : 144
تاريخ التسجيل : 15/08/2012

امثال قديمة اصبحت حقيقة Empty
مُساهمةموضوع: امثال قديمة اصبحت حقيقة   امثال قديمة اصبحت حقيقة Emptyالأربعاء أغسطس 15, 2012 10:12 pm

امثال قديمة اصبحت حقيقة


عليه وعلى اعدائي / تنظيم القاعدة



تيتي تيتي مثل ما رحتي جيتي / معاناة العراقيين



لا حظت برجيلها ولا خذت سيد علي / جبهة التوافق



من تمشي تتعثر بيه .. ومن تريده ما تلكيه / الشرطة


غراب يكول لغراب وجهك اسود / اتهامات بين اعضاء الحكومة


طابوك نام ، شكنك كام / الاساتذة والعلماء ماتو .. والحرامية صارو فيكه


لا خبر لا جفيه لا حامض حلو / جية بوش ورامسفيلد كلها مفاجئة


يركض والعشا خباز / العراقي الشريف


المنحوس منحوس حتى لو حطوابراسة فانوس / معاناة العراقيين مع الفيز

والاقامات


الچبير چلب .. الصغير چلب ابن چلب / بوش الاب وبوش الابن


بيدر الذهب هم يحتاج بيدر الدخن / احنا اهل النفط ... نستورد

مشتقاته ؟؟؟


جيب ليل .. وأخذ عتابه / اذا عندك معتقل اتريد تعرف وين وليش ؟


حضٌر المعلف .. گبل الزٌمال / المعلف ما حظروه بس جابولنه زمايل


حظي بكل شي اسود بس بالرگي أبيض / عراقي مو بالحكومة


عداوة البزون والجريدي / امريكا صارلها شكد اتدك علينا واكو ناس يكولون تحرير


عباس المستعجل / بصرف الفلوس والرشاوي


صيف وشتا . . على فد سطح ؟ / لا كهرباء لا بانزين لا مي صيف وشته



ما لقوا بالورد عيب قالوا خده احمر / الكهرباء تنتل مو زينه عليكم


ابن خالت الخياطة اللي خيطت بدلت العروس / حتى هذا حصل وظيفة من يم المسؤولين


أبن الحلال بذكره / الانفجار


أنطي الخبز لخبازه / اهل النفط صاروا ضباط


إيطلّع من الحافي نعال / ابو البلدية


اسمه بلحصاد ومنجله مكسور / ناس اتداوم بالبيوت ويستلمون رواتب


أحبك وانت لابسني / التبريد


أتعلّم الواوي على أكل الدجاج / شوكت يعوفون الكراسي


أكل ومرعى وقلة صنعه / البرلمان والوزارات


باب النجار مخلوع / ناس تحجي بالدين ولا دين لهم


تمخض الجبل فولد فارا / صرفوا مليارات والكهرباء بالقطارة


حجيك مطر صيف ميبلل أليمشون / القمم العربية



راح الاكو والماكو / العراق وثرواته



راح دمه هدر / الشعب العراقي



رزق الشباب ورا الباب / الاحزاب هيه الابواب لأن ماتشتغل الا بتزكية



روحه بلا رده / انسحاب اي شخص من الحكومة



شوفوني نجوم الضحى / خطط امنية خمس نجوم



اللي يشوف الموت يرضى بالصخونة / شطلعنه لغير بلاد لوما الوضع ؟



زاد الطين بله / كل مسؤول يصرح يزداد الوضع سوء



الزمال ذاك الزمال، بس الجلال مبدل / صبغوا دباباتنه وباعولنياها



عامي شامي / رصاصات الجيش والشرطه




شتحط الها حتى تطيب؟ / الوضعية



شرادين بحلوك واويه / المتاحف العراقية




شعره من جلد خنزير / الحصة التموينية




شفت بعيني محد كلي / ابو غريب



الركعه زغيره، والشك جبير / توحيد صفوف العراقيين



شكينا الدف، وبطلنا الغنا / بعنا بيوتنا وسافرنه



الشمس ماتتغطى بالغرابيل / يطلعون دعايات (يمضون ونبقى)



شنو هل اللذة من هالفكر / حواجز كونكريتية و فردي وزوجي



شوفته حزن، وفراكه عيد / السيطرات مال علاسه



صار تاليها انكس من اولها / والحمد لله



الصبر مفتاح الفرج / حتى المفتاح مولس



ضرطه وضايعه بسوك الصفافير / حقوق العراقيين



الطباخ ما ياكل من طبخه / طبخولنا حياتنا وماضاكوها



طرطميس لا جمعه ولا خميس / الجامعه العربية



طماطه، ترهم على كل شي / تغيير التشكيلة الحكومية مجرد مداورة الاسماء



عادت المياه الى مجاريها / وكل المجاري طايفه



علج المخبل ترس حلكه / كل مسؤول شكد حاط حماية




عند البطون تعمى العيون / من يلغفون كلها تغمض



غاب القط العب يا فار / والله دتلعب الجريدية




فص ملح وذاب / عزة الدوري



فوك حكه دكه / يخطفون وياخذون الفدية ويكتلون




كل لشه متعلكه من كراعينها / بلكي يسمعون الحكومة



يشتري من عدّنا ثلح و يبيعلنا مّي بارد / كل الدول المجاورة



تالي الليل تسمع حس العياط / الله يدري شظاميلنه بعد
الرجوع الى أعلى الصفحة اذهب الى الأسفل
 
امثال قديمة اصبحت حقيقة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العراق :: منتدى الخواطر وعذب الكلام :: منتدى الامثال و الحكم-
انتقل الى: