منتديات العراق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مُلتقى العراقيين والعرب
 
الرئيسيةأحدث الصورالتسجيلدخول

 

 قصيدة اروع ما سمعت عن العراق

اذهب الى الأسفل 
كاتب الموضوعرسالة
علي العبودي




عدد المساهمات : 144
تاريخ التسجيل : 15/08/2012

قصيدة اروع ما سمعت عن العراق Empty
مُساهمةموضوع: قصيدة اروع ما سمعت عن العراق   قصيدة اروع ما سمعت عن العراق Emptyالأربعاء أغسطس 15, 2012 9:44 pm

قصيدة اروع ما سمعت عن العراق

شي على شي زينين
قصيدة عن العراق روعة
اقروووووهااااااااا
منتى وحيد انت الشعب...... كلة بشيعتة وسنتة
منهو الكالك ناسيك .....هم ينسى الكمر وكتة ...لو نبض الكلب يتنكر لدكتة
بس عشقكك عشك مفضوح..... وعشك الناس كلة مساسر وسكتة
صرت انتة سبت وبركبة يهودي......وهم شايف يهودي ايجوز من سبتة
....................
انتة الفارس اليسبك هبوب الريح..... وماظن خيل سابكتة
وانت اليرهم ترابك كحل للعين ...ودوة للماشفت علتة
ومن طينك نحني جفوف المعرسين.... وكل اصبع فرح من طينتك حنتة
وانت بريحة ترابك ترد الروح....هيل وزعفران وعنبر بشمتة
ومثل تراب كاعك مالكينة تراب.... يرهم للصلاة من طينتة تربتة
....................
انت اينام بيك المرتضى الكرار ابو الحسنين ....التلوذ الناس كلها بشارتة وبختة
وانت ينام بكربلاء حسين ...... الما بايع الطاغي ودنك ركبتة
وانت البيك ظلت شارة العبااس .... لمن طاح دنكلة الفرات وباسة من شفتة
...................
من طلعت منك يوم طرني البين ..... كلبي وياي ما جبتة
اثاريني نسيتة هناك ....عندك كلبي امنتة
شتلتة بجرف دجلة الخير ..... ونسباح الشوطي شربي كتبتة
وامتددن عروكة بوسط ذيج الكاع...وبماي الفرات ودجلة عمتة
ولمن صار ينكل دجمة بين الناس.... اختة وياي للكاظم للشباج زورتة
..................
صح هسة اصبحت من وطن نيدر لاند ....هولندي الهوية وشعبي جلطتة
وصح تأقلمت وية الغرب فد نوب.... وصرت ما صخ مثلهم والملح عفتة
وصح صرت ارطن رطنهم لمن ايرطنون..... ولسان العرب بلاعجمي كسرتة
لكن مدري شيصير بي لمن يمر طاريك...... احسنك دفوا تموز وسط اشتة
واثاريني مثل طبع النخل لو طال .......يرجع للاصول وتنحنى سعفتة
..................
العالم نسى يوم 11 من ايلول صار .....صارت بيك سالفتة
ناس تكول لازم نحتويه ونشفط البترول.... ونعوض الراح ونسرك بركتة
وناس اتكول لازم هالحصار ايدوم......وناس تكول لازم ننزع اسلحتة
وناس اتكول خطية اطفالة ماتوا من الجوع...... وناس تكول حيل وياه ماحمد ربة وشاكر نعمتة
وانت بين هذا وذاك صاير شبح للي ايكول...ياهو الكام ضدك سدد تفكتة
..................
جي لنك حلو والدول منة تغار..... ماعدهم العندك من مجد نلتة
انت اول وطن ادم وضع جدمة علي وكال يالله ...... لانك وصلة من جبدة
وانت اول وطن حبة النبي ابراهيم..... ودعة ربة يصونة برحمتة وعزتة
وانت اول وطن مرسى لسفينة نوح..... ونبي ايوب ناخة بيك راحلتة
وانت اول وطن علم العالم ابجدية ويكت التاريخ ..... وانت اول وطن قانون سننتة
وانت اول وطن كالتلة الشمس يمة صباح الخير..... ولو رادت تمسي تمسي يم كبتة
وانت اول وطن ما تشبه الاوطان...... مدري شلون ربك خالقك سبحانك ربي شلون صورتة
صورتة العراق وبس علينة يلوك ..... واحنا نلوكلة لمن يجي وكتة
................
الرجوع الى أعلى الصفحة اذهب الى الأسفل
 
قصيدة اروع ما سمعت عن العراق
الرجوع الى أعلى الصفحة 
صفحة 1 من اصل 1
 مواضيع مماثلة
-
» اروع ماقيل عن الغياب.

صلاحيات هذا المنتدى:لاتستطيع الرد على المواضيع في هذا المنتدى
منتديات العراق :: منتدى الخواطر وعذب الكلام :: الشعر والقصائد-
انتقل الى: